ki jis mein mohabbat zaruri nahin hai
mujhe wo ibaadat zaruri nahin hai

main be-intiha chahta hun usi ko
kare wo mohabbat zaruri nahin hai

mujhe tu hi tu yaad aata rahe bas
ziyaada inayat zaruri nahin hai

use dekh kar hi mera kaam chalta
mujhe ab ibaadat zaruri nahin hai

mohabbat se hi jaan leta hai aksar
kisi se adawat zaruri nahin hai

samajhna khudi ko padega sabhi kuchh
wo de kuchh hidayat zaruri nahin hai

mujhe har qadam par hai us ki zarurat
ho us ko zarurat zaruri nahin hai

dilon pe kare 'raj wo shah aisa
kahin ho riyasat zaruri nahin hai