kis haal mein rahti hun kisi taur se sun le
lillah kisi aur kisi aur se sun le

patthar ke bhi kanon se lahu bahne lagega
rudad-e-gham-e-ishq agar ghaur se sun le

ek bar nahin aisa kai bar hua hai
dhime se agar nam lun wo zor se sun le

jo dil pe guzarti hai kisi se na kahungi
sunna hai jise jae wo chit chor se sun le

lagti hain buri aaj tujhe nur ki baaten
achchha to na bolungi kabhi ghaur se sun le