jis tarah hath ki chudi ka khanakna tai hai thik waise hi mere dil ka dhdakna tai hai laut aae hain tujhe ghair ki qismat kar ke aaj ki raat to aankhon ka chhalakna tai hai kaifiyat dil ki agar tu ne dikhai mujh ko aaine phir to mera tujh pe bhadakna tai hai main ne alfaz nahin dard piro rakhe hain ye ghazal sun ke meri jaan sisakna tai hai be-hisi ne to bana dala tha patthar mujh ko is tabassum se to aanchal ka dhalakna tai hai kuchh khabar bhi hai tujhe dil ko jalane wale zakhm khilte hain to phir un ka mahakna tai hai