kis husn se kahun main is ki khush-akhtari ki is mah-ru ke aage kya tab mushtari ki rakhna na tha qadam yan jon baad be-tammul sair is jahan ki rahraw par tu ne sarsari ki shubha bahaal sag mein ek umr sirf ki hai mat puchh in ne mujh se jo aadmi-giri ki piye gul us chaman mein chhoda gaya na hum se sar par hamare ab ke minnat hai be-pari ki pesha to ek hi tha us ka hamara lekin majnun ke taleon ne shohrat mein yawari ki girye se dagh-e-sina taza hue hain sare ye kisht-e-khushk tu ne ai chashm phir hari ki ye daur to muafiq hota nahin magar ab rakhiye baniye taza us charkh-e-chambari ki khuban tumhaari khubi ta-chand naqal kariye hum ranja khatiron ki kya khub dilbari ki hum se jo 'mir' ud kar aflak-e-charkh mein hain un khak mein malun ki kahe ko hamsari ki