kis ko dikhlaenge wo naz-o-ada mere baad hogi kis par ye bhala mashq-e-jafa mere baad dekhiye aap bhi afsurda rahenge aksar yar aa jaegi jab meri wafa mere baad zinat-e-husn badhi khun-e-jigar se mere phika pad jaega ye rang-e-hina mere baad barha arsh-e-barin nala-e-shab se kanpa arsh tak jaegi kab aah-e-rasa mere baad main chala jaunga mahfil se na hon aap khafa kis pe phir honge magar aap khafa mere baad nau-giraftar-e-bala hoga na mujh sa koi kaun chahega tujhe zulf-e-dota mere baad uth gaya aalam-e-fani se ye kah kar 'aslam' dekhiye kis ki ab aati hai qaza mere baad