kis ne is dasht mein ghar-bar lutana hai miyan aise virane ko hum ne hi sajaana hai miyan aap se kis ne kaha aap bhi barish mangen aap ka kaam faqat aag lagana hai miyan in bhadakte hue jazbaat pe qabu rakhiye hum ne stage pe kuchh aur dikhana hai miyan dosti hoti to phir sab ko batate phirte ye mohabbat hai ise sab se chhupana hai miyan na munafiq ho na aati hai khushamad tum ko tum ne kya khak yahan nam kamana hai miyan aap se kaun kare bahs sar-e-bazm-e-raqib aap ne hum pe hi ilzam lagana hai miyan aao sar rakh lo bada chain milega 'faisal' ye tawaif ka nahin yar ka shana hai miyan