kis qadar 'am hui jurm-e-mohabbat ki jabr ek zara sa jo tere nam pe hum chaunk uthe mere hathon ki lakiron ki rawish ke aage rah-e-pur-pech se lipte hue kham chaunk uthe ittifaqan jo nazar daman-e-tar pe dali fart-e-hairat se mere dida-e-nam chaunk uthe main ne is tarz se manzum kiye dard-e-hayat ahl-e-afkar ke hathon mein qalam chaunk uthe hum mohabbat mein 'ibaadat ki hadon se guzre hua naraaz khuda aur sanam chaunk uthe jab mere zabt ke 'alam ka hua andaza sharmsari ke sabab zulm-o-sitam chaunk uthe