kis qadar be-rukhi se milte hain
khwab jab zindagi se milte hain

yaad aate hain dil-ruba manzar
hont jab bansuri se milte hain

daste rahte hain mahfilon ke badan
zakhm jo khamushi se milte hain

din ki dahliz par khade ho kar
raat bhar hum kisi se milte hain

zist ke khushnuma sawere bhi
waqt ki tirgi se milte hain

teri ghazlon ke sab nuqush 'rafia'
hu-bahu is sadi se milte hain