kise bataun ki wahshat ka faeda kya hai hawa mein phul khilane ka qaeda kya hai payambaron ne kaha tha ki jhut haarega magar ye dekhiye apna mushahida kya hai tamam umr ki zahmat ka ajr ye duniya ye kis se puchhiye aakhir muahida kya hai sabhi khamosh hain afsurdagi ka daftar hain khule to kaise ki wo hukm-e-aeda kya hai usi ka khwab hai meri nawa-e-khwab 'naim' mera wajud bhi us se alahada kya hai