kisi ke hukm ki tamil karne wala hai wo apne lahje ko tabdil karne wala hai sunane baith gae kis ko dard-o-gham apna wo nuqte nuqte ki tafsil karne wala hai kisi gharib ki izzat se khelne walo khuda tumhaari bhi tazlil karne wala hai jo khushk-o-tar ke mafahim se nahin waqif samundaron ko wahi jhil karne wala hai main us ke sath bhala kis tarah rahun 'zahid' jo baat baat pe tazlil karne wala hai