kisi khayal ko ashaar mein pirote hue
sisak raha tha main kaghaz pe harf bote hue

mujhe ye gham nahin mahfil mein ho ke tanha hun
mujhe ye dukh hai main tanha hun tere hote hue

ajib khwab dikhai diya mujhe kal shab
main hadbada ke utha dar raha tha sote hue

wahi jo mujh ko qasam deta tha na rone ki
mujhe wo chhod gaya aastin bhigote hue

ye mashwara hai mere dost rakh khayal apna
kahin tu dub na jaana mujhe dubote hue