kitna sukut hai rasan-o-dar ki taraf
aata hai kaun jurat-e-izhaar ki taraf

dasht-e-wafa mein aabla-pa koi ab nahin
sab ja rahe hain saya-e-diwar ki taraf

qasr-e-shahi se kahte hain niklega mehr-e-nau
ahl-e-khirad hain is liye sarkar ki taraf

weitnam-o-korea se adu ko nikal len
aaenge laut kar lab-o-rukhsar ki taraf

baqi jahan mein rah gaya 'ghaalib' ka nam hi
har-chand ek hujum tha aghyar ki taraf