kitne behis hain be-haya hain log
sar-basar jaur hain jafa hain log

main ne haq baat jab se kah di hai
mujh se be-intiha khafa hain log

nam se bhi wafa ke chidte hain
kis qadar dushman-e-wafa hain log

un ke kar-e-siyah mat puchho
ban ke phirte jo parsa hain log

khugar-e-adl ka khuda-hafiz
dushman-e-adl barmala hain log

jaan dete ho jo usulon par
aaj bhi aise be-baha hain log

mere dil ko hai justuju jin ki
wo bahut hi 'malik' juda hain log