koi kinaya kahin aur baat karte hue koi ishaara zara dur se guzarte hue mere lahu ki lapak mein rahe wo hath wo panw kuchh aaine se kahin dubte ubharte hue sharar-e-bosa hi us sang-e-lab se ho paida ki mere sar mein kai lafz hain thithurte hue na sakht-gir tha wo aur na main hi be-himmat par us ko hath lagaya hai aaj darte hue jalaenge nam-e-sahil pe kashtiyan apni is aab-zar-e-tamasha mein panw dharte hue guzar hi jaegi sar se kahin to mauj-e-hawas kabhi to sharm use aaegi mukarte hue hawas mein hain kahin khauf ke nasheb o faraaz jo khud se bhagta hun rah mein thaharte hue ye kaam aur to ab kaun hi karega yahan sametta bhi rahun jism ko bikharte hue mujhe to ranj tha sab se kahin ziyaada 'zafar' jo dekh leta meri samt bhi wo marte hue