koi kinaya nahin koi istiara nahin
main harf harf magar ab bhi aashkara nahin

meri nigah ki wusat pe roz girta hai
wo aasman ki jis mein koi sitara nahin

nadi bichhad ke samundar se tut jaegi
main ek bar kahunga use dobara nahin

uchhaalta hun lahu main bhi aasman ki taraf
jo mera sar bhi qalam ho to kuchh khasara nahin

ye inkishaf hai 'raunaq' ajib teshe ka
kisi bhi sang ke sine mein ek sharara nahin