koi rukne ki tere shahr mein tadbir na thi mere hathon mein teri zulf bhi zanjir na thi dekh kar tum ko sarabon ka tamasha sa raha khwab tha ye bhi kisi khwab ki tabir na thi so chuka tha kisi masum farishte ki tarah us ki aankhon mein to qatil ki bhi taswir na thi regzaron se lagao raha yun hi warna ret par mere liye koi bhi tahrir na thi itni qurbat pe wo begana raha kyon mujh se us ke dil mein koi diwar to tamir na thi sar qalam hote rahe nam pe chahat ke magar koi ranjha na tha basti mein koi hir na thi aaj fankar hai ek mitti ke dhele ki tarah thi to pahle bhi par itni kabhi tahqir na thi