koi sunta hi nahin un ki sada mere baad hae kya waqt andheron pe pada mere baad waqt se pahle hi ab us ki sahar hoti hai hui mansukh shab-e-gham ki saza mere baad ghair ko us ne shab-e-wasl mein danta do bar mil gaya mujh ko wafaon ka sila mere baad koi jata nahin bachchon ki qataren le kar haspatalon mein wo charcha na raha mere baad weight lifter koi mujh sa na hua jo paida kaun uthaega tere naz bata mere baad khun hai dil khak mein ahwal-e-butan par yani kis ka ye ja ke dabaenge gala mere baad apni mahrumi-e-qismat pe hansi aati hai dudh bazar mein khalis bhi bika mere baad mere matam mein nahin apni raqam ke gham mein shahr ka baniya siyah-posh hua mere baad un ki tafrih ka saman-e-tarab tha main hi doctor log hain jine se khafa mere baad rasm-e-iflas ki tahzib thi mujh se qaem uth gai dahr se jine ki ada mere baad