koi to lafz sujhe tujhe jo ayan kare koi to kaifiyat mujhe pura bayan kare koi to tere husn ke laeq ho aaina koi to jaanch kar tujhe sadr-e-jahan kare koi mile to meri shab-e-gham ki ho sahar koi to nur-e-wasl se phir subh yan kare koi mile to jannat-e-gum-gashta paun main koi to mera nam bhi wird-e-zaban kare koi to mere qalb pe warid ho misl-e-lauh koi to khatm dil mein utar kar khizan kare koi to aae baad-e-bahaari ke sang sang koi to mera qarya-e-dil gul-fishan kare koi nigar-e-gham mein bane mera ham-rikab koi shikasta dard ka koh-e-giran kare koi to chikh ho jo mera dard kah sake koi to pesh khol ke soz-e-nihan kare