koshish ke bawajud bhi sakin nahin raha
kuchh din main samne raha kuchh din nahin raha

pahle ye rabt meri zarurat banaoge
aur phir kahoge rabta mumkin nahin raha

hum ek wardat se thode hi dur hain
wo hath lag gaya hai magar chhin nahin raha

school ke dinon se mujhe jaante ho tum
main aaj tak sawal kiye bin nahin raha

ek raat us ne chand sitare bujha diye
us ko laga tha koi unhen gin nahin raha