kuchh aagahi ki sabilen hain intishaar mein bhi kabhi kabhi nikal aaya karo ghubar mein bhi ye baat alag ki nishan apna mausamon ko na den numu ke silsile hote hain reg-zar mein bhi main ban ke johd-e-rawan mauj-mauj phaila hun meri fana nahin dariya ke ikhtiyar mein bhi musafir aap bana lete hain jagah apni musafiron ko bitha do kisi dayar mein bhi kalam karte hain dar bolti hain diwaren ajib suraten hoti hain intizar mein bhi barasne wali ghata tut tut kar barsi sulagne wale sulagte rahe bahaar mein bhi