kuchh is qadar hai pareshan nafas nafas mera
main zindagi ko ulat dun chale jo bas mera

kahan kahan na gaya haal-e-dil sunane ko
bana na koi kahin phir bhi dad-ras mera

liye phirunga hamesha main us ki khakistar
rahega sath mere jal ke bhi qafas mera

main sochta hun maal-e-hayat kya hoga
baja hai zabt-e-mohabbat mein pesh-o-pas mera

kisi ke sath 'munawar' kiya ho kuchh bhi suluk
main chahta hun ki gae na kai jas mera