kuchh na kuchh hoga meri mushkil ka hal furqat ki raat tum na aaoge to aaegi ajal furqat ki raat aa gaya kya nazm-e-hasti mein khalal furqat ki raat ruk gaya kyun daur-e-gardun ka amal furqat ki raat ho rahi hain sham se sakin ghadi ki suiyan panw phailata hai kya ek ek pal furqat ki raat sard sard aahon se yun aansu mere jamte gae ho gaya tamir ek moti-mahal furqat ki raat kuchh nahin khulta ki aakhir is qadar lambi hai kyun wasl ke din ka hai jab radd-e-amal furqat ki raat zindagi bhar ye bala pichha na chhodegi mera aaj jaegi to phir aaegi kal furqat ki raat subh ka munh dekhna mere muqaddar mein na tha mera andesha na tha kuchh be-mahal furqat ki raat dard mein dube hue hain shahr sare ai 'wafa' kis qayamat ki kahi tu ne ghazal furqat ki raat