kuchh nae naqsh mohabbat mein ubhaaro yaro
sar kisi shokh ke buldog se maro yaro

zulf ke pech mein latke hue shair ka wajud
thak chuka hoga use mil ke utaro yaro

wo bhare ghar se ghasite liye jati hai mujhe
koi badh kar meri biwi ko pukaro yaro

dil ke footpath ko hamwar banane ke liye
is se das bis hasinon ko guzaro yaro

dard to apni kamai ka hua karta hai
bap ka mal hai kha kha ke dakaro yaro