kya ghazab hai ki mera mujh se wo dilbar toda
mujh pe kya tu ne sitam charkh-e-sitamgar toda

sakht-jaanon ko jalane ke siwa kya tadbir
muft kyun qatil-e-saffak ne khanjar toda

aa gaya wan jo kisi ke lab-e-shirin ka khayal
jam-e-kausar ko utha kar lab-e-kausar toda

uth gaya chal ke tere dar se main go kaba ko
par ye zunnar wahan bhi but-e-kafar toda

kya dar-e-yar-e-talab pahunche hain insan 'arif'
us ke darban ko udhar de ke bahut zar toda