mar jaenge lekin kabhi ulfat na karenge
hum jine ko apne ye musibat na karenge

hai dil mein ki mil jaiye ab bul-hawason mein
phir hum se kahan tak wo murawwat na karenge

kahte hain meri jaan ka jaana nahin mumkin
jab tak wo mujhe aap se rukhsat na karenge

ai khizr jo pina ho hamein aab-e-baqa bhi
is phirne se mai-khane ki khidmat na karenge

tu ab to gareban ko mere chhod de 'arif'
bas aaj se hum tujh ko nasihat na karenge