kya husn hai yusuf bhi kharidar hai tera kahte hain jise misr wo bazar hai tera taqdir usi ki hai nasiba hai isi ka jis aankh se kuchh wada-e-didar hai tera ta-zist na tute wo mera ahd-e-wafa hai ta-hashr na pura ho wo iqrar hai tera barchhi ki tarah dil mein khatakti hain adaen andaz jo qatil dam-e-raftar hai tera kya tu ne khilae chaman bazm mein 'kaifi' kya rang-e-gul afsha-e-guftar hai tera