kya jaane wo achchha ki bura karte rahe hain
jo mere liye roz dua karte rahe hain

bakhshi hai jihaalat ne unhen rahnumai
jo log yahan jurm-o-khata karte rahe hain

honton pe mere rahti hai tarif bas un ki
wo hain ki sada shikwa gila karte rahe hain

ek roz sila is ka milega unhen yaro
izzat jo buzurgon ki sada karte rahe hain

suraj ko ye andaza 'saba' ho nahin sakta
hum shama ke manind ziya karte rahe hain