kya kahen kaise basar hijr ki raaten ki hain
umr bhar chand se ek shakhs ki baaten ki hain

kab azanon se na mamur tha kaba dil ka
kab faqiron ne qaza ishq-salaten ki hain

teri khushbu se koi khat na hawa par likha
khushk kis dhup ne phulon ki dawaten ki hain

haar to khel ka hissa thi magar farq ye hai
mat se pahle hi tah hum ne bisaten ki hain

laut jate hain ye takra ke sar-e-sahil se
muztarib zehnon ne kab par furaaten ki hain

doli utthi na tahi-chashm sitaron ki 'najib'
subh-e-namnak ne rukhsat ye baraaten ki hain