kya khata thi meri wo khafa ho gae main ne samjha tha kya aur kya ho gae jo mohabbat pe qurban hote rahe safha-e-dahr par la-fana ho gae jis ki fitrat mein hi thi sirisht-e-wafa haif hai wo bhi ab bewafa ho gae na-khudai bhi aati nahin thi jinhen kya zamana hai wo bhi khuda ho gae kal bhi fitnon se khali na tha ye jahan aaj bhi kitne fitne bapa ho gae yun gham-e-zindagi ne nikhaara hamein hum khazaf se dur-e-be-baha ho gae paikar-e-naz ki nazuki dekhiye hum bhi 'anjum' ghazal-ashna ho gae