kya yaadgar dil pe lagai kharash hai jarrah-e-kam-hunar mujhe teri talash hai saiqal-gar-e-zaman tu zara moajiza dikha yaadon ke aaine mein koi pash pash hai mazi ki sarhadon se pare ja ke ek din puchhunga apne aap se kya bud-o-bash hai kya kijiyega padh ke meri khud-nawisht ko likha waraq waraq pe agar aur kash hai is kashmakash mein rahte hain fikr-o-qalam sada rakhna bhi raaz hai use karna bhi fash hai be-rozgar hijr ke tajir ne kar diya mazdur-e-wasl hun so talash-e-maash hai qab-e-jahan pe rakkhe phalon ne mujhe kaha mehman tere hisse mein ik-adh qash hai