kyon pareshan ho rahe ho ek chhoti haar se
ek makdi lad rahi thi har dafa diwar se

koi to aawaz de de ab mujhe bhi pyar se
main to tanha ho gaya hun ishq mein izhaar se

krishn jaisa sarthi ab chahti hai zindagi
kaam sab bante nahin hain jang mein hathiyar se

pith pichhe aaiyega tab kahin mumkin ye ho
chahte hain gar mujhe yun jitna talwar se

zindagi se tang aakar band kamre mein hun main
tang aane lag gaya hun hijr ke kirdar se

main ne kashti bhi baha di barishon ke wasl mein
main nahin ab aane wala dariya ke us par se

zindagi se us ne bahar kar diya maula mujhe
ab karo tum mujh ko bahar ruh ki diwar se