lab jo dekhe tishnagi tadpa gai
phir nigah-e-naz hum ko kha gai

hum abhi aankhon se lab tak aae the
baat itni thi ki wo sharma gai

tha agar patthar ka mera dil to phir
teri qurbat kyun use pighla gai

us ne aankhon se dhamaka kar diya
dil pe dahshat-gard ladki chha gai

tha abhi pahli mohabbat ka khumar
ek phir jam-e-shahadat pa gai

dil ko na sar par chadhaunga main ab
ye mohabbat ab samajh mein aa gai