lail-e-shab-tab chatanon mein nahin
koi mafhum fasanon mein nahin

phir na shab-khun ka waqt aaega
raushni un ke thikanon mein nahin

hai tamashaiyon ka jamm-e-ghafir
aks bhi aaina-khanon mein nahin

apne hi sae ki phun-kar na ho
koi shah-mar khazanon mein nahin

ku-ba-ku dete hain aawaz kise
saya bhi khali makanon mein nahin

aa gai saat-e-khush-guftari
ab koi tir kamanon mein nahin