lazmi to nahin wali ho jae
aadmi kash aadmi ho jae

kyun na badnam-e-ashiqi ho jae
jab lagi dil ki dil lagi ho jae

roz ka tutna bikharna kyun
jo bhi hona hai aaj hi ho jae

lamha lamha jiyun tujhe jaanan
tu agar meri zindagi ho jae

meri aankhen chhalakne lagti hain
gar koi dost ajnabi ho jae

ghar hamara dhuan dhuan sa hai
khol khidki ki raushni ho jae

kaun 'aijaz' par karega use
apne andar agar kami ho jae