lazzat-e-wasl mukhtasar mat rakh shab ki taqdir mein sahar mat rakh aag karti nahin kisi ka lihaz bans ke jangalon mein ghar mat rakh rizq bhi be-sabab nahin milta apne bachchon ko be-hunar mat rakh tujh ko sahra mein raqs karna hai panw se bandh kar bhanwar mat rakh ghair mumkin nahin falak ki sair na-umidi ko ham-safar mat rakh tujh ko sona hai qabr mein apni mere aamal par nazar mat rakh guftugu chal rahi hai taron se sham ki aankh mein sahar mat rakh