lipat ke soch se ninden haram karti hai tamam shab teri hasrat kalam karti hai hami wo ilm ke raushan charagh hain jin ko hawa bujhati nahin hai salam karti hai kisi bhi taur sikhati nahin hai aazadi mere huzur mohabbat ghulam karti hai ye sar-ba-sajda kaha nek-dil tawaif ne khudaya shukr ki beti bhi kaam karti hai fana ki jhil mein jis tarah waqt rahta hai kuchh is tarah se wo mujh mein qiyam karti hai charagh-e-muflis-o-bebas ka haal ho jaise hamare sath kuchh aisa hi sham karti hai hawa-o-hirs ki lanat ka kya karen 'khalid' teri talab ko saliqe se ram karti hai