mujhe bataya gaya tha yahan mohabbat hai
main aa gaya hun dikhao kahan mohabbat hai

yahan ke log bahut dushmani nibahte hain
isi se hota hai sabit yahan mohabbat hai

kisi ke naf-piyale se munh hata lena
sawal hi nahin uthta miyan mohabbat hai

so ruh-o-jism ka rishta bahaal hai tab tak
hamare bich ye jab tak rawan mohabbat hai

ye raaz mujh pe khula hai tumhaare chhune se
hawas charagh hai lekin dhuan mohabbat hai