liye ja bas apni nazar jaane wale
na kar rahbar rahbar jaane wale

qayamat ka hoga wo manzar jahan tak
pahunchte hain sab be-nazar jaane wale

ye kya mujh mein aisa nazar aa gaya hai
kidhar aa rahe hain kidhar jaane wale

thahar kar chalenge suna hai yahan se
guzarte nahin sab guzar jaane wale

rahi ham-safar ek sada-e-musalsal
thahar jaane wale thahar jaane wale

mohabbat ka aaghaz hai chot kha le
milenge abhi zakhm bhar jaane wale

'amit' aise dar se guzarna hai behtar
jahan dar-guzar hon thahar jaane wale