lo na hans hans ke tum aghyar se gul-daston se
itni zid bhi na rakho apne jigar-khaston se

fundaqen bazm mein dekh us ke sar-angushton se
rishta-e-rabt ne li rah kaf-e-daston se

ru-ba-ru howe jo chashman-e-butan se ai dil
darte rahna hi munasib hai siyah-maston se

dast-e-sayyaad se chhute to uchhal pai-dar-pai
warna kya faeda ai aahu-e-dil aston se

pesh jati nahin hargiz koi tadbir 'nazir'
kaam jab aan ke padta hai zabardaston se