log kahte hain ki tu ab bhi khafa hai mujh se
teri aankhon ne to kuchh aur kaha hai mujh se

hae us waqt ko kosun ki dua dun yaro
jis ne har dard mera chhin liya hai mujh se

dil ka ye haal ki dhadke hi chala jata hai
aisa lagta hai koi jurm hua hai mujh se

kho gaya aaj kahan rizq ka dene wala
koi roti jo khada mang raha hai mujh se

ab mere qatl ki tadbir to karni hogi
kaun sa raaz hai tera jo chhupa hai mujh se