daulat hai badi chiz hukumat hai badi chiz in sab se bashar ke liye izzat hai badi chiz jab zikr kiya main ne kabhi wasl ka un se wo kahne lage pak mohabbat hai badi chiz bas aap ke nazdik to ai hazrat-e-waiz aayat hai badi chiz riwayat hai badi chiz puri na agar ho to koi chiz nahin hai nikle jo mere dil se to hasrat hai badi chiz ai 'nuh' na tum us ko hasinon mein ganwao ye khub samajh lo ki riyasat hai badi chiz