lughat ka pech ye mujh ko kharab lagta hai jawani lagti hai jabki shabab lagta hai wo muskurae to kya jaane kya qayamat ho hasin itna jab us ka itab lagta hai ye kapkapate hue lab jhuki hui palken mere sawal ka shayad jawab lagta hai tumhaare husn ki tarif-e-mukhtasar ye hai hujum-e-gul mein shagufta gulab lagta hai tu dil pe thes laga ja koi sada ke liye ye tera roz bichhadna azab lagta hai mohabbaton ka khazana jise wo kahte hain mujhe habab ke aage habab lagta hai saza-e-jurm-e-mohabbat wo de ke pachhtae mera gunah ab un ko sawab lagta hai mubaalagha hai ki hai 'sarfaraaz' husn-e-nazar kabhi wo phul kabhi mahtab lagta hai