log khwahan the so dil ho gaya kangal mera tum bhi khush dekh ke ho jao bura haal mera ishq ki ru se to main qais ka ham-zulf hua jab wahi dasht-e-junun thahra hai susral mera munh banae hue kyon pichhe padi hai duniya pahle hi dil gham-e-furqat se hai pamal mera hai rawan meri tabiat mein mohabbat aise jazb hota hai kisi zarf mein sayyal mera rul gaya chah-e-zanakhdan ke tilismat mein dil gham-e-dauran se to bika na hua baal mera apni tadbir ki khami pe main sar dhunta hun haal-e-bad par koi mauqaf nahin filhaal mera har qadam ek nai jang ke mutaradif hai pichhle har sal se sangin hai ye sal mera 'sarfaraaz' apne zamane ko moharram na kahun koi ramzan mubarak hai na shawwal mera