lutf se tere siwa dard mahak jata hai
ye wo shoala hai bujhao to bhadak jata hai

ek zamane ko rakha tere talluq se aziz
silsila dil ka bahut dur talak jata hai

tum mere sath chale ho to mere sath raho
ki musafir sar-e-manzil bhi bhatak jata hai

hum to wo hain tere wade pe bhi ji sakte hain
ghuncha paigham-e-saba se bhi chatak jata hai

masti-e-shauq sambhalne nahin deti 'ishqi'
jam lab tak nahin aata ki chhalak jata hai