ye ladka ladki koi masala samajh rahe hain
unhen khabar hi nahin log kya samajh rahe hain

hamare mil ke bichhadne mein us ka hath bhi tha
magar ye log mujhe hi bura samajh rahe hain

main un ko pani pilane ke waste khada hun
jo mujh ko pyas ka mara hua samajh rahe hain

main khamushi ko ibaadat ke jaise jaanta hun
samajhne wale mujhe kya se kya samajh rahe hain

gire huon ki ajab nafsiyat hai 'babar'
sab ek dusre ko aasra samajh rahe hain