madar-e-zat se aage kabhi nahin gaya tha
main kaenat se aage kabhi nahin gaya tha

tumhaari zulf ne us ko hila ke rakh diya hai
jo shakhs raat se aage kabhi nahin gaya tha

taghayyuraat ki mantiq udas hai lekin
main tujh sabaat se aage kabhi nahin gaya tha

husaini pyas ko chakkha to had se par hua
sukhan furaat se aage kabhi nahin gaya tha

hasin lams ne zanjir khinch rakkhi thi
main tere hath se aage kabhi nahin gaya tha