taswir apne asl se bilkul juda bane
pahle ko is tariqe bana dusra bane

main apne khwab nind ki mitti mein ghol dun
wo kimiyai jism agar ja-ba-ja bane

ek aankh ho jo mere khad-o-khal bhanp le
jazbon ki tarjuman koi to du'a bane

delphi ki dewi gaya se sarsabzgi mile
zeno ki yatra se mohabbat saza bane

huliye pe wird-e-sabr padhe koi falsafi
tab wusat-e-nuqush se kuchh mawara bane