mah-paron mein rahe zohra-jamalon mein rahe hum bahar-haal tere chahne walon mein rahe mere dam tak to farozan rahi qindil-e-wafa kya mere baad bhi insan ujalon mein rahe mabad-e-shab mein tapae hue gulnar badan muddaton aag ki manind khayalon mein rahe aur kis se khalish-e-dil ka fasana kahte jab ki hum khud bhi tumhein pujne walon mein rahe hum ne paya hai har ek thos haqiqat se khiraj wo shahanshah nahin hum jo misalon mein rahe wadi-e-gul se churae hue lamhe 'ishrat' tis ban ban ke meri ruh ke chhaalon mein rahe