mah-rukhon se yari paida karte hain jazbon mein sarshaari paida karte hain khushbuon se ‘ari paida karte hain naqli phul madari paida karte hain un ki gali mein aana-jaana chhod diya ab hum bhi khuddari paida karte hain aise waison ke hum munh lagte hi nahin dushman bhi me’yari paida karte hain ‘izzat se jine ke liye is duniya mein aao khud-mukhtari paida karte hain she’r suna kar hum bhi subh-o-sham 'zaki' logon mein bedari paida karte hain