mai se wo jam-e-jism hai jab se bhara hua
sar hai futur-e-khwahish-e-shab se bhara hua

dil hai ki jaanta hai junun ka maal bhi
sar hai ki phir bhi shor-o-shaghab se bhara hua

ghaflat-shiar dil pe koi raat dal kar
jata hai mehr ghaiz-o-ghazab se bhara hua

diwar-e-mai-kada koi raste mein aa gai
warna ye jam hai koi ab se bhara hua

hatta nahin nigah-e-alamnak se kabhi
chehra koi khumar-e-tarab se bhara hua